உங்களுக்குத் தெரியுமா ?
வேரித்தாஸ் நிகழ்ச்சிகளை டிஜிட்டல் தொழில் நுட்பத்தில் 24 மணிநேரமும், 7 நாட்களிலும் இணையத்தளத்திலும் அன்ராய்டு மொபைலிலும் கேட்கலாம். அன்ராய்டு மொபைல் பயன்பாட்டினைப் பதிவிறக்கம் செய்ய RVA MOBILEஎன டைப் செய்யவும்

உலக செய்திகள்

பிரதமர் நரேந்திர மோடியை டெல்லியில் சந்தித்த தமிழக முதல்வர்
பிரதமர் நரேந்திர மோடியை இன்று (புதன்கிழமை) டெல்லியில் சந்தித்த தமிழக முதல்வர் எடப்பாடி பழனிசாமி, தமிழகத்தின் முக்கியமான பிரச்னைகளில் மத்திய அரசின் தலையீட்டை கோரும் மனு ஒன்றை அளித்துள்ளார். பிரதமரிடம் தமிழக முதல்வர் அளித்துள்ள மனுவில் இடம்பெற்றுள்ள கோரிக்கைகள்(சுருக்கமாக) 1. நீட் தேர்வு மசோதாவுக்கு ஒப்புதல் நீட் தேர்விலிருந்து தமிழகத்திற்கு விலக்கு அளிக்கும் தமிழக அரசின் சட்ட மசோதாவிற்கு குடியரசு தலைவர் ஒப்புதல் பெற்று தர பிரதமர் நடவடிக்கை எடுக்க வேண்டும் என வலியுறுத்தல் 2. தமிழகத்திற்கு எய்ம்ஸ் மருத்துவமனை தமிழகத்திற்கு உயர்தர மருத்துவ சிகிச்சை கிடைக்க எய்ம்ஸ் மருத்துவமனையை தமிழகத்தின் முக்கிய பகுதி ஏதேனும் ஒன்றில் விரைவில் தொடங்க வேண்டும் என்று கோரிக்கை 3. விவசாய இழப்பீடும், பயிர் காப்பீட்டுத் தொகையும் மத்திய அரசின் இழப்பீட்டிற்கான பங்கான 168.66 கோடி ரூபாயினை விடுவித்து, இந்திய வேளாண் காப்பீட்டு நிறுவனம், விரைவில் தமிழ்நாட்டின் பாதிக்கப்பட்ட விவசாயிகளுக்கு இழப்பீட்டு தொகைகளை முழுமையாக வழங்குவதற்குத் துணைபுரிய வேண்டும் என மத்திய அரசிடம் வலியுறுத்தல் தமிழ்நாட்டைச் சேர்ந்த விவசாயிகள், ஏற்கெனவே 2016-17 ஆம் ஆண்டில்நிலவிய கடும் வறட்சியால் ஏற்பட்ட பயிர் சேதம் குறித்த துயரத்தில் இருக்கின்றனர். இந்த நிலையில் காப்பீட்டு நிறுவனங்கள் இழப்பீட்டு தொகையை வழங்குவதில் காலதாமதம் செய்கின்றனர்.இது விவசாயிகளின் துயரத்தை அதிகரிக்கச் செய்கிறது. இதனால் இழப்பீட்டுத் தொகை பெறுவது மேலும் தாமதமாகாமல் தமிழ்நாட்டில் பிரதமரின் பயிர் காப்பீட்டு திட்டத்தைச் செயல்படுத்தும் அதிகாரமளிக்கப்பட்ட அனைத்துக் காப்பீட்டு நிறுவனங்களுக்கும் விரைந்து காப்பீட்டு நிதியை வழங்க அறிவுறுத்திடுமாறு கோரிக்கை. 4. காவிரி படுகை மேம்பாட்டுத் திட்டத்திற்கு ஒப்புதல் காவிரி ஆற்றின் வடிநிலங்களில் நீர்ப்பாசன ஏற்பாட்டு முறைகளை மேம்படுத்துதல் மற்றும் புத்துயிரூட்டலுக்கான தமிழக அரசின் திட்டத்தை தேசியத் திட்டமாக அறிவிக்க சம்பந்தப்பட்ட அமைச்சகத்திற்கு பிரதமர் அறிவுறுத்தல் வழங்க வேண்டும் என்று கோரிக்கை. 5. பவானிக்கு குறுக்கே அணையை தடுக்க வேண்டும் கேரள அரசு பவானி ஆற்றின் குறுக்கே கட்டும் அணைகள்/தடுப்பணைகள் ஏற்கனவே கட்டி முடிக்கப்பட்ட அல்லது கட்டுமானத்திலுள்ள அல்லது கட்டுவதற்குக் கருதப்பட்டுள்ள திட்டப் பணிகள் குறித்து அனைத்து விவரங்களையும் அளித்திட கேரள அரசை அறிவுறுத்த வேண்டும் என பிரதமரிடம் கோரிக்கை. காவிரி மேலாண்மை வாரியம் அமைக்கப்பட்டுச் செயல்பாட்டிற்கு வரும்வரை, எவ்விதக் கட்டுமான நடவடிக்கைகளையும் கேரள அரசு மேற்கொள்ளக்கூடாது என அறிவுறுத்த வேண்டுமெனவும் வேண்டுகோள் 6. பம்பாறு இணைப்பு திட்டம் தீபகற்ப ஆறுகளை இணைத்தல் திட்டத்தின் கீழ் பம்பை - அச்சன் கோவில் – வைப்பாறு நதிகளை இணைத்து இரண்டு மாநிலங்களுக்கும் பலன் தரும் என்றபோதிலும், தற்போது விரிவான திட்ட அறிக்கை ஒன்றினை உருவாக்குவதற்கு ஒப்புதல் அளிக்கத் தயங்குகிறது. எனவே, நாட்டின் நலன் கருதி ஒப்புதல் அளிக்கக் கேரள அரசை வலியுறுத்துமாறு பிரதமருக்கு கோரிக்கை 7. குடிமராமத்து திட்டத்திற்கு மத்திய அரசின் ஆதரவு தமிழகத்தில் ஏற்பட்டுள்ள வறட்சியை போக்கி வறட்சியற்ற மாநிலமாக மாற்றப் பல்வேறு பணிகளை மேற்கொள்ள வேண்டியிருப்பதால், தமிழ் நாட்டிலுள்ள பாரம்பரிய நீர்நிலைகளை அதிகளவில் மீட்டெடுக்க உதவுகிற வகையில் 2017-2018 ஆம் ஆண்டில் தமிழக அரசின் நிதியளிப்பான 300 கோடி ரூபாயுடன், மத்திய அரசும் 500 கோடி ரூபாய் நிதியுதவி அளிக்க வேண்டுகோள். 8. தமிழ்நாட்டிற்கு நிலுவையிலுள்ள மானியங்களை விரைந்து வழங்க வேண்டும் தமிழகத்திற்கான 16,959.04 கோடி ரூபாய் (இணைப்பு) தொகைக்கான நிலுவையினங்களைக் கொண்ட திருத்தியமைக்கப்பட்ட பட்டியல் ஒன்று பிரதமரிடம் அளிக்கப்பட்டுள்ளது. அதன்படி இத்தொகையின் பெரும்பகுதியினை முன்னதாகவே விடுவிப்பதற்கு பிரதமர் ஆவன செய்யும்படி கோரிக்கை 9. தமிழக மீனவர்கள் மற்றும் படகுகளை விடுவிக்க வேண்டும் இலங்கை படையினரால் பிடித்து வைக்கப்பட்டுள்ள இந்திய மீனவர்களுக்குச் சொந்தமான 135 படகுகளை விடுவித்து, இலங்கை கடற்படையால் கைது செய்யப்பட்டுள்ள 11 இந்திய மீனவர்களை விடுவிக்க நடவடிக்கை எடுக்க வேண்டும். தமிழ்நாட்டிலிருந்து இந்திய மீனவர்கள் பாக் விரிகுடா பகுதியில் மீன் பிடிப்பதற்கான பாரம்பரிய உரிமையைப் பாதுகாப்பதற்கு அனைத்து முய
See More
பிரித்தானியாவில் மீண்டும் தீவிரவாத தாக்குதல்: பிரதமர் தெரெசா மேவின் எச்சரிக்கை
பிரிட்டனின் மான்செஸ்டர் தாக்குதல் போன்று மற்றொரு தாக்குதல் நடத்தப்படலாம் என பிரதமர் தெரெசா மே எச்சரிக்கை விடுத்துள்ளார். பிரிட்டனின் மான்செஸ்டர் நகரில் கடந்த திங்கட்கிழமை இரவு நடத்தப்பட்ட தாக்குதலில் 22 பேர் பலியாகினர், 120 பேர் படுகாயமடைந்தனர். இந்த தாக்குதலுக்கு ஐஎஸ் அமைப்பு பொறுப்பேற்றுக் கொண்டுள்ளது. இதனை தொடர்ந்து நாட்டின் பாதுகாப்பு நிலை குறித்து பிரதமர் தலைமையில் அவரச கூட்டம் நடைபெற்றது. இதன்பின்னர் பேட்டியளித்த பிரதமர் தெரெசா மே, தற்போது நடத்தப்பட்ட தாக்குதல் போன்று மற்றொரு தாக்குதல் நடத்தப்படலாம். நாட்டிற்கு அச்சுறுத்தல் அதிகமாகி இருப்பதால் மக்கள் கவனமாக இருக்க வேண்டும். பிரிட்டனின் முக்கிய இடங்களில் பொலிசுக்கு பதிலாக இராணுவ வீரர்கள் பாதுகாப்பு பணியில் செயல்படுங்கள் என உத்தரவிட்டுள்ளார்.
See More
பாரீஸில் மீண்டும் பயங்கரம்: 5 மில்லியன் யூரோ மதிப்புள்ள நகைகள் கொள்ளை
பிரான்ஸ் நாட்டில் உள்ள நகை கடை ஒன்றில் ஆயுதம் ஏந்திய கொள்ளையர்கள் மூவர் 5 மில்லியன் யூரோ மதிப்புள்ள நகைகளை கொள்ளையிட்டுள்ள சம்பவம் அதிர்ச்சியை ஏற்படுத்தியுள்ளது. பிரான்ஸ் நாட்டின் தலைநகரான பாரீஸில் அமைந்துள்ள rue de la Paix என்ற நகை கடையில் தான் இந்த துணிகர சம்பவம் நிகழ்ந்துள்ளது. நேற்று பிற்பகல் நேரத்தில் கடையின் முன்பாக வாடிக்கையாளர் தோற்றம் கொண்ட நபர் ஒருவர் நின்றுள்ளார். இந்நபரை பார்த்த காவலாளி கதவை திறந்து விட முயன்றபோது மறைந்திருந்த மற்ற இருவரும் திடீரென கடைக்குள் புகுந்துள்ளனர். உள்ளே நுழைந்ததும் துப்பாக்கி மற்றும் கோடாரியை காட்டி பிற வாடிக்கையாளர்களை அப்புறப்படுத்தியுள்ளனர். பின்னர், கடை ஊழியர்களை மிரட்டிய மூவரும் கண்ணாடி கூண்டுகளை உடைத்து அங்கு வைக்கப்பட்டிருந்த நகைகளை அள்ளி மூட்டியாக கட்டிக்கொண்டு காரில் தப்பியுள்ளனர். கொள்ளை சம்பவம் நிகழ்ந்தபோது கடையின் உரிமையாளர் மற்றும் அவருடைய பிள்ளைகள் இருவர் கடையிலேயே இருந்துள்ளனர். இச்சம்பவம் குறித்து பொலிசாரிடம் புகார் செய்யப்பட்டதும், கடையில் வைக்கப்பட்டிருந்த கண்காணிப்பு கமெரா மூலம் ஆதாரங்களை திரட்டியுள்ளனர். கொள்ளைப்போன நகைகளின் மதிப்பு சுமார் 5 மில்லியன் யூரோ என உரிமையாளர் புகார் அளித்துள்ளார். பாரீஸ் மாநகரில் தொடர்ந்து கொள்ளை சம்பவம் நிகழ்ந்து வருவதால் பொதுமக்களும் அந்நாட்டிற்கு சுற்றுலா வரும் வெளிநாட்டினர்களும் அச்சத்தில் மூழ்கியுள்ளனர் என்பது குறிப்பிடத்தக்கது.
See More
குண்டுவெடிப்பில் உயிருக்கு போராடியவர்களை காப்பாற்றிய பிச்சைக்காரர்
பிரித்தானிய நாட்டில் வெடிகுண்டு தாக்குதலில் உயிருக்கு போராடியவர்களை காப்பாற்றிய பிச்சைக்காரர் ஒருவரின் துணிச்சலை பாராட்டி பொதுமக்கள் நிதியை வாரி வழங்கி வருகின்றனர். மான்செஸ்டர் மைதானத்தில் கடந்த திங்கள் கிழமை இரவு நிகழ்ந்த இசை நிகழ்ச்சி ஒன்றில் வெடிகுண்டு தாக்குதல் நடத்தப்பட்டதில் 22 பேர் கொல்லப்பட்டனர். 59 பேர் தற்போது மருத்துவமனையில் சிகிச்சை பெற்று வருகின்றனர். நாட்டை உலுக்கிய இத்தாக்குதலுக்கு ஐ.எஸ் அமைப்பு பொறுப்பேற்றுள்ளது. இந்நிலையில், வெடிகுண்டு தாக்குதல் நிகழ்ந்த பின்னர் உயிருக்கு போராடிய நபர்களை காப்பாற்றிய பிச்சைக்காரர் ஒருவருக்கு பாராட்டுக்குள் குவிந்து வருகின்றன. தாக்குதல் நிகழ்வதற்கு முன்னர் கிரைஸ் பார்க்கர்(33) என்ற அந்த நபர் மைதானத்திற்கு வெளியே நின்றுக்கொண்டு நபர்களிடம் உணவு, பணம் கேட்டுக்கொண்டு இருந்துள்ளார். அப்போது, திடீரென பலத்த ஓசையுடன் வெடிகுண்டு தாக்குதல் நிகழ்ந்துள்ளது. இத்தாக்குதலின் விளைவாக கிரைஸ் பார்க்கர் அதிர்ச்சியில் கீழே விழுந்துள்ளார். ஆனால், சில வினாடிகளில் சுதாரித்துக்கொண்ட அவர் தாக்குதல் நிகழ்ந்த இடத்தை நோக்கி ஓடியுள்ளார். பின்னர், அங்கு உயிருக்கு போராடிய கால்களை இழந்த சிறுமி ஒருவரை காப்பாற்றி வெளியே தூக்கிச்சென்றுள்ளார். இதனை தொடர்ந்து உயிரை இழக்கும் தருணத்தில் இருந்த பெண் ஒருவரை தனது கைகளால் தாங்கி பிடித்து ஆறுதல் கூறியுள்ளார். ஆனால், அப்பெண் இறுதியில் உயிரை விட்டுள்ளார். இச்சம்பவத்திற்கு பின்னரும், தாக்குதல் நடந்த இடத்தில் இருந்து பலரையும் கிரைஸ் பார்க்கர் காப்பாற்றி வெளியே அழைத்து வந்துள்ளார். கிரைஸ் பார்க்கரின் இத்துணிச்சலை பாராட்டி பொதுமக்கள் அவருக்கு சுமார் 4,000 பவுண்ட் வரை நிதி வசூல் செய்து கொடுத்துள்ளனர். மேலும், கிரைஸ் பார்க்கரின் செயலை பாராட்டி ‘மனிதத்தன்மை உங்களை போன்றவர்களிடம் இன்னும் இருக்கிறது’ என புகழ்ந்து வருகின்றனர்.
See More
தீவிரவாதிகளின் கோழைத்தனமான செயல்: பிரித்தானிய தாக்குதலுக்கு கண்டனம்
பிரித்தானியாவில் நடைபெற்ற தீவிரவாத தாக்குதலுக்கு பிரதமர் மோடி தனது டுவிட்டர் பக்கத்தில் கண்டனம் தெரிவித்துள்ளார். மான்செஸ்டர் நகரில் தீவிரவாதிகள் நடத்திய தற்கொலைப்படை தாக்குதலில் 19 பேர் உயிரிழந்துள்ளனர், 59 பேர் காயம் அடைந்துள்ளனர். இதுகுறித்து தனது டுவிட்டர் பக்கத்தில் மோடி வெளியிட்டுள்ள இரங்கல் செய்தியில், தீவிரவாதிகளின் இந்த கோழைத்தனமான செயல் கண்டிக்கத்தக்கது என அவர் குறிப்பிட்டுள்ள பிரதமர் மோடி, தாக்குதலில் உறவுகளை இழந்து வாடும் குடும்பத்தினருக்கு ஆழ்ந்த இரங்கலை தெரிவித்துக் கொள்வதாக கூறியுள்ளார். படுகாயமடைந்தவர்கள் விரைவில் குணமடைய வேண்டும் என பிரார்த்திப்பதாகவும் தனது ட்விட்டர் பதிவில் மோடி குறிப்பிட்டுள்ளார்.
See More
புகலிடம் கோரி வரும் அகதிகளுக்கு எதிராக வாக்களித்த சுவிஸ் குடிமக்கள்
சுவிட்சர்லாந்து நாட்டில் புகலிடம் கோரி வரும் அகதிகளுக்காக கூடுதலாக நிதி ஒதுக்கீடு செய்ய வேண்டாம் என அந்நாட்டு குடிமக்கள் வாக்களித்துள்ளதாக தகவல்கள் வெளியாகியுள்ளன. சுவிஸில் உள்ள பேர்ன் மாகாண குடிமக்கள் தான் அகதிகளுக்கு எதிராக வாக்களித்துள்ளனர். பேர்ன் மாகாணத்தில் புகலிடம் கோரி வரும் அகதிகள், குறிப்பாக ஆதரவின்றி வரும் வாலிபர்களின் தேவைகளை பூர்த்தி செய்ய கூடுதலாக 105 மில்லியன் பிராங்க் நிதியை அம்மாகாண அரசு ஒதுக்கீடு செய்தது. ஏனெனில், ஆதரவின்றி வரும் வாலிபர்கள் தனித் தனியான அகதிகள் முகாம்களில் தங்க வைக்கப்படுவதால் இவர்களின் அடிப்படை தேவையை பூர்த்தி செய்வதற்கு கூடுதலான நிதி தேவைப்படுகிறது என்பதற்காக மாகாண அரசு இத்திட்டத்தை அறிவித்தது. ஆனால், குடிமக்களின் வரிப்பணத்தை இப்படி அகதிகளுக்காக செலவு செய்வது தவறு என அந்நாட்டின் மிகப்பெரிய கட்சியான சுவிஸ் மக்கள் கட்சி எதிர்ப்பு தெரிவித்தது. இதனை தொடர்ந்து இத்திட்டத்தை செயல்படுத்துவது தொடர்பாக கடந்த ஞாயிறு அன்று பொது வாக்கெடுப்பு ஒன்று நடத்தப்பட்டது. இவ்வாக்கெடுப்பில் பங்கேற்ற குடிமக்களில் 54.3 சதவிகித மக்கள் இத்திட்டத்திற்கு எதிராக வாக்களித்துள்ளனர். சுவிஸ் சட்டப்படி குடிமக்கள் ஒரு திட்டத்திற்கு எதிர்ப்பு தெரிவித்தால் அத்திட்டத்தை அரசு செயல்படுத்த முடியாது. எனவே, அகதிகளுக்காக செயல்படுத்த இருந்த இத்திட்டமும் தற்போது அகதிகளுக்கு சிக்கலை ஏற்படுத்தியுள்ளது குறிப்பிடத்தக்கது.
See More
வரலாற்று சாதனை படைக்கும் ஜனாதிபதி டொனால்ட் டிரம்ப்
அமெரிக்க வரலாற்றில் இதுவரை இல்லாத வகையில் ஜனாதிபதியான டொனால்ட் டிரம்பின் வெளிநாட்டு சுற்றுப்பயணம் சாதனை படைத்துள்ளதாக தகவல்கள் வெளியாகியுள்ளன. ஜனாதிபதியாக பதவியேற்றதற்கு பிறகு முதன் முதலாக டொனால்ட் டிரம்ப் தற்போது வெளிநாட்டு பயணங்களில் ஈடுப்பட்டு வருகிறார். அமெரிக்க வரலாற்றில் இதுவரை இல்லாத வகையில், ஜனாதிபதி பதவியேற்றதும் முதல் வெளிநாட்டு பயணமாக இஸ்லாமிய நாடான சவுதி அரேபியாவிற்கு சென்ற முதல் அமெரிக்க ஜனாதிபதி என்ற பெயரை டொனால்ட் டிரம்ப் பெற்றுள்ளார். சவுதி அரேபிய பயணத்தை முடித்துக்கொண்ட டிரம்ப் நேற்று இஸ்ரேல் நாட்டிற்கு பயணமாகியுள்ளார். சவுதி அரேபியா மற்றும் இஸ்ரேல் ஆகிய இரு நாடுகளும் எதிரி நாடுகளாக இருந்து வருவதால் இரு நாடுகளுக்கு மத்தியில் நேரடி விமான சேவை கிடையாது. இஸ்ரேல் நாட்டை ஒரு தனி நாடாக சவுதி அரேபியா அங்கீகரிக்க வில்லை என்பதால் இதுவரை இரு நாடுகளுக்கு இடையே எவ்வித விமானமும் பயணம் செய்தது இல்லை. ஆனால், சவுதியில் சுற்றுப்பயணத்தை முடித்துக்கொண்ட டிரம்ப் அங்கிருந்து நேரடியாக இஸ்ரேல் நாட்டிற்கு பயணமாகியுள்ளார். இதன் மூலம், சவுதி அரேபியாவில் இருந்து இஸ்ரேல் நாட்டிற்கு நேரடியாக பறந்து சென்ற விமானம் என்ற பெயரை டொனால்ட் டிரம்பின் ‘ஏர் ஃபோர்ஸ் ஒன்’ விமானம் பெற்றுள்ளது. இதுமட்டுமில்லாமல், இஸ்ரேல் நாட்டில் சுற்றுப்பயணம் மேற்கொண்டு வரும் டொனால்ட் டிரம்ப் மற்றொரு வரலாற்று சாதனையை நிகழ்த்த உள்ளார். ஜெரூசலேம் நகரில் உள்ள யூதர்களின் புனித சுவற்றிற்கு இதுவரை எந்த அமெரிக்க ஜனாதிபதியும் சென்றது இல்லை. ஆனால், தற்போது இஸ்ரேல் நாட்டில் இருக்கும் டொனால்ட் டிரம்ப் யூதர்களின் புனித சுவற்றை நேரில் பார்க்கவும் திட்டமிட்டுள்ளதாக தகவல்கள் வெளியாகியுள்ளன.
See More
50 நாட்கள் சிறைவாசம்: ஜாமீன் கோரி வைகோ மனு
தேசத் துரோக வழக்கில் கைது செய்யப்பட்டு சிறையில் உள்ள மதிமுக பொதுச் செயலாளர் வைகோ ஜாமீன் கோரி சென்னை முதன்மை அமர்வு நீதிமன்றத்தில் மனு தாக்கல் செய்துள்ளதாக தகவல் வெளியாகியுள்ளது. 2009-ம் ஆண்டு விடுதலைப்புலிகளுக்கு ஆதரவாக பேசியதாக கூறி வைகோ மீது தேசத் துரோக வழக்கு தொடர்ப்பட்டது. இந்த வழக்கு விசாரணை ஏப்ரல் 3-ம் திகதி, எழும்பூர் நீதிமன்றத்தில் வந்த போது வழக்கை விரைந்து முடிக்க வேண்டும் இல்லையேல் தன்னை கைது செய்ய வேண்டும் என்று தானாக முன் வந்து வைகோ மனு செய்தார். வழக்கை விசாரித்த நீதிபதி கோபிநாத் வைகோவுக்கு ஜாமீன் வழங்க முன் வந்தார். ஆனால் ஜாமீன் பெற மறுத்த வைகோ சிறைக்குச் சென்றார். தொடர்ச்சியாக வந்த இரண்டு விசாரணைகளிலும் ஜாமீன் பெற மறுத்து வைகோ கடந்த 50 நாட்களுக்கும் மேலாக சென்னையில் அமைந்துள்ள புழல் சிறையில் அடைக்கப்பட்டுள்ளார். இந்த நிலையில் சென்னை முதன்மை அமர்வு நீதிமன்றத்தில் ஜாமீன் கோரி வைகோ தரப்பில் இன்று மனு தாக்கல் செய்யப்பட்டுள்ளது. அடுத்த மாதம் நடைபெற உள்ள பிணாங்கு துணை முதல்வர் ராமசாமியின் இல்லத் திருமண விழாவில் பங்கேற்பதற்கு மலேசியா செல்ல வேண்டி இருப்பதால் வைகோ ஜாமீன் கோரி இருக்கலாம் என்று மதிமுக வட்டாரங்களில் கூறப்படுகிறது.
See More
இந்திய விமானப்படை போர் விமானம் மாயம்
இந்திய விமானப்படைக்குச் சொந்தமான போர் விமானங்களில் ஒன்றான சுகோய் 30 திடீரென்று மாயமாகியுள்ளதாக தகவல் வெளியாகியுள்ளது. அசாம் மாநிலத்தில் உள்ள தேஜ்பூரில் விமானப்படைத் தளத்தைச் சேர்ந்த வீரர்கள் சகோய் 30 ரக போர் விமானத்தில் பயற்சி மேற்கொண்டிருந்தனர். அப்போது, திடீரென அந்த விமானம் ரேடார் கண்காணிப்பிலிருந்து மாயமானது. தேஜ்பூரிலிருந்து 60 கி.மீ. வடக்கில் பறந்துகொண்டிருந்த போது விமானம் காணாமல் போயிருப்பதாக விமனாப்படை தெரிவித்துள்ளது. இந்த விமானத்தில் எத்தனை வீரர்கள் பயணித்தனர் என்பது உள்ளிட்ட தகவல்கள் இதுவரை வெளியாகவில்லை. மாயமான விமானத்தைத் தேடும்பணி தீவிரப்படுத்தப்பட்டுள்ளது.
See More
நடிகர்கள் சூர்யா, சத்யராஜூக்கு ஜாமீனில் வெளிவர முடியாத பிடிவாரண்ட் பிறப்பித்த நீதிமன்றம்
2009ம் ஆண்டு பத்திரிகையாளர்களை அவதூறாக பேசியதாக தொடரப்பட்ட வழக்கில், விசாரணைக்கு ஆஜராகாத நடிகர்கள் சூர்யா,சரத்குமார், சத்யராஜூக்கு பிடிவாரண்ட் பிறப்பித்துள்ளது. நேரில், ஆஜராக தடைகோரிய மனுவை உயர்நீதிமன்றம் தள்ளுபடி செய்த நிலையில் இந்த ஆணை பிறப்பிக்கப்பட்டுள்ளது. 2009 ஆம் ஆண்டு நடைபெற்ற நடிகர் சங்க கூட்டத்தில் பத்திரிகையாளர்களை அவதூறாக பேசியதாக, நீலகிரியை சேர்ந்த ரிசரியோ என்பவரே இந்த வழக்கினை தொடர்ந்துள்ளார். மேலும், இயக்குநர் சேரன், விவேக், அருண் விஜய் உள்ளிட்டோருக்கும் ஜாமீனில் வெளிவர முடியாத பிடிவாரண்ட் பிறப்பிக்கப்பட்டுள்ளது.
See More