உங்களுக்குத் தெரியுமா ?
வேரித்தாஸ் நிகழ்ச்சிகளை டிஜிட்டல் தொழில் நுட்பத்தில் 24 மணிநேரமும், 7 நாட்களிலும் இணையத்தளத்திலும் அன்ராய்டு மொபைலிலும் கேட்கலாம். அன்ராய்டு மொபைல் பயன்பாட்டினைப் பதிவிறக்கம் செய்ய RVA MOBILEஎன டைப் செய்யவும்

உலக செய்திகள்

5 கோடி யூரோ மோசடி: முன்னாள் வத்திக்கான் வங்கி தலைவர் மீது வழக்கு
வத்திக்கான் வங்கியின் முன்னாள் தலைவர் மற்றும் அவருடைய வழக்கறிஞர் மீது மோசடி குற்றச்சாட்டுகளை வத்திக்கான் வழங்கறிஞர்கள் சுமத்தியுள்ளனர். இவர்கள் இருவரும் 5 கோடி யூரோவுக்கு அதிகமான இழப்புக்கு காரணமாக இருந்துள்ளதாக கூறப்படுகிறது. எஞ்சலோ கலோயா மற்றும் அவருடைய வழக்கறிஞர் மீதான வழக்குகள் மார்ச் 15ம் தேதி தொடங்கியுள்ளன. மூன்றாவது சந்தேக நபர் புனலாய்வு நடைபெறும்போதே இறந்துவிட்டார். வத்திக்கான் வங்கி கணிசமான நிலத்தை விற்றுவிட்ட 2001 முதல் 2008 வரையான காலத்தில் பண மோசடியும், சுய நிதி மோசடிகளிலும் ஈடுபட்டதாக இவர்கள் மூவர் மீது குற்றஞ்சாட்டப்பட்டது. வெளிநாட்டு நிறுவனங்களுக்கு குறைந்த விலையில் திருச்சபையின் சொத்துக்களை இவர்கள் விற்றுள்ளனர். அந்த நிறுவனங்கள் சந்தை மதிப்புக்கு ஏற்ற வகையில் அவற்றை விற்று லாபம் அடைந்துள்ளன. வாங்கிய மற்றும் விற்ற விலையிலான வித்தியாசத்தால், இந்த சந்தேக நபர்கள் தங்களுக்கு ஆதாயம் தேடிக்கொண்டதாக தெரிவிக்கப்படுகிறது இழப்புகளில் கொஞ்சம் தொகையாவது மீட்டு எடுப்பதற்காக குற்றவியல் வழக்கு நடைபெறுகின்ற வேளையில், சிவில் வழக்கு ஒன்றும் தொடுக்கப்பட்டுள்ளது.
See More
இத்தாலியில் சாத்தானின் செயல்பாடு அதிகரிப்பு – பேய் ஓட்டுபவர்
சாத்தானின் பாதிப்புக்களை எதிர்த்து போரிடுவதற்கு மேலதிக அருட்தந்தையர் தேவைப்படுகிறார்கள் என்று நிபுணர்கள் எச்சரிக்கை விடுத்துள்ள நிலையில் இந்த மாநாடு நடைபெறவுள்ளது. போய் ஓட்டுதல் மற்றும் சாத்தானின் செயல்பாடு பற்றிய மாநாட்டை அடுத்த மாதம் ரெஜினா திருத்துதரக பல்கலைக்கழகம் நடத்தவுள்ளது. இந்த மாநாட்டில், புனிதர்களை பட்டம் வழங்கும் பேராயத்தின் தலைவர் காதினால் ஏஞ்சலோ அமாடோ உரை நிகழ்த்துகிறார். மறைவான செயல்பாடுகளில் அதிகரிப்பு காணப்படுவதால், இத்தாலியில் அதிக போய் ஓட்டுபவர்களுக்கு பயிற்சி அளிக்கப்பட வேண்டும் என்று பலெர்மோ மறைமாவட்டத்திற்காக போய் ஓட்டுபவர்களுக்கு பயிற்சி அளிக்கின்ற அருட்தந்தையானவர் தெரிவித்திருக்கிறார். அதிக இத்தாலிய மக்கள் ஆன்மிக ரீதியிலான ஆபத்தான செயல்பாடுகளுக்கு திரும்பியுள்ளதாக அருட்தந்தை பெனிக்னோ பாலில்லா வத்திக்கான் வானொலியில் தெரிவித்திருக்கிறார். ஒரு கோடியே 30 லட்சம் இத்தாலியர் சாஸ்திரம் பார்ப்போர். குறிசெல்பவர் மற்றும் அதிஷ்ட அட்டை வாசிப்போரை சந்தித்துள்ளதாக தெரிவிக்கப்படுகிறது. இவர்கள் அனைவரும் தீமைக்கும், சாத்தான் ஆட்க்கொள்ளவும் எப்போதும் தயாராக இருப்பவர்கள் என்று அருட்தந்தை பாலில்லா குறிப்பிட்டுள்ளார். ஆண்டுதோறு்ம் சுமார் 5 லட்சம் பேர் பேய் ஓட்டுபவர்களிடம் செல்வதாக வத்திக்கான் வானொலி தெரிவித்திருக்கிறது. பெரும்பாலும் உளவியல் அல்லது ஆன்மிக பிரச்சனைகளே இதற்கு காரணமாக அமைவதாக தெரிய வருகிறது.
See More
பூமியை தாக்கும் சூரிய புயல்
சூரிய புயல் பூமியை தாக்கும் ஆபத்து இருப்பதாக அமெரிக்காவின் நாசா விண்வெளி ஆய்வு மையம் எச்சரிக்கை விடுத்துள்ளது. சூரியனின் மேற்பரப்பில் இரண்டு 2 மிக பெரிய தீப் பிழம்புகள் உருவாகின்றன. இது வழக்கமாக பூமியை நோக்கி பாயுவதை காட்டிலும், மிக வேகமாக பூமியை நோக்கி வரயிருப்பதாக நாசா எச்சரிக்கை விடுத்துள்ளது. பூமியில் இருக்கக்கூடிய காந்த சக்தியுடன் இந்த சூரிய புயல் மோதி கரும் புயலாக மாறி தாக்கும் ஆபத்து உள்ளதாக அது தெரிவித்திருக்கிறது. இதன் காரணமாக பூமியின் இயற்கை தன்மையில் பாதிப்பும், பூமியை சுற்றிக் கொண்டிருக்கும் செயற்கை கோள்களின் செயல்பாடிகளிலும் பாதிப்புகள் ஏற்படும் என்று தெரிவிக்கப்பட்டுள்ளது. விமானங்களில பொருத்தப்பட்டிருக்கும் புவி இடம் காட்டும் கருவி அமைப்புகளிலும் இதனால் பாதிப்பு ஏற்படும் என்று தெரிவிக்கப்பட்டுள்ளது
See More
நவீனகால அறிவியலாளர் ஸ்டீபன் ஹாக்கிங்ஸ் மரணம்
உலகின் பிரபலமான அறிவியலாளா ஸ்டீபன் ஹாக்கிங் உயிரிழந்துள்ளார். உலகின் மிகச் சிறந்த அறிவியலாளராக இருந்தவர் ஸ்டீபன் ஹாக்கிங். அவர் தன்னுடைய குடும்பத்தினருடன் லண்டன் கேம்பிட்ஜ் பகுதியில் வசித்து வந்தார். 21 வயதில் நரம்பியல் நோய் பாதிப்பு ஏற்பட்டதால் கை, கால்களை இயக்க முடியாமலும், பிறரிடம் பேசமுடியாமலும் போய்விட்டது. ஆனால், அவரது அறிவை பயன்படுத்தி கண்டுபிடித்த படைப்புகள் உலகளவில் போற்றப்படுகின்றன. குவாண்டம் கோட்பாடு, அண்டவியல் தொடா்பான ஆய்வுகளில் ஹாக்கிங்கின் பங்கு மிகவும் போற்றத்தக்க வகையில் அமைந்தன. 76 வயதில் ஸ்டீபன் ஹாக்கிங் மரணம் அடைந்திருப்பது, அறிவியல் உலகிற்கு பெரும் இழப்பாகியுள்ளது.
See More
பயணியர் விமானத்தை சுட்டு வீழ்த்த கட்டளையிட்ட புதின்
2014ம் ஆண்டு குளிர்க்கால ஒலிம்பிக் போட்டிகள் நடைபெற்றபோது 110 பயணிகளுடன் சென்ற பயணிகள் விமானத்தை சுட்டு வீழ்த்த உத்தரவிட்டதாக ரஷ்ய அதிபர் விளாடிமிர் புதின் கூறியிருக்கிறார். ரஷ்யாவில் அதிபராக இருக்கும் விளாடிமிர் புதினின் பதவிக்காலம் நிறைவடையுள்ள நிலையில், 18-ம் தேதி அதிபர் தேர்தல் நடைபெறவுள்ளது. இரண்டு மணிநேர பரப்புரை ஆவணப்படத்தில், 2014-ம் ஆண்டு குளிர்க்கால ஒலிம்பிக் போட்டி நடைபெற்றபோது 110 பயணிகளுடன் சென்ற பயணிகள் விமானத்தை சுட்டு வீழ்த்த உத்தரவிட்டதாக ரஷ்ய அதிபர் விளாடிமிர் புதின் கூறியுள்ளார். கடந்த 2014-ம் ஆண்டு, பிப்ரவரி 7-ம் தேதி குளிர்க்கால ஒலிம்பிக் போட்டியின் தொடக்க விழாவில் கலந்து கொள்வதற்காகு அவர் காத்திருந்ததாகவும், அப்போது உக்ரைனில் இருந்து துருக்கி சென்ற பயணிகள் விமானம் ஒன்று கடத்தப்பட்டதாகவும், அதில் வெடிகுண்டுகள் இருந்ததாகவும், அதைக்கொண்டு ரஷ்யாவின் சோச்சி நகரில் நடைபெறும் குளிர்க்கால ஒலிம்பிக்கை சீர்குலைக்க மர்ம நபர்கள் திட்டமிட்டுள்ளதாகவும், பாதுகாப்பு அதிகாரிகளிடமிருந்து தகவல் வந்ததாக புதின் தெரிவித்திருக்கிறார். குளிர்க்கால ஒலிம்பிக் தொடரின் தொடக்க விழாவில் சுமார் 40 ஆயிரம் பேர் கூடியிருந்தனர். எனவே அந்த விமானத்தை சுட்டு வீழ்த்த பாதுகாப்பு அதிகாரிகளுக்கு அவர் உத்தரவிட்டுள்ளார். ஆனால் சில நிமிடங்களில், அந்த தகவல் பொய்யானது என்று அதிகாரிகள் புதினிடம் தெரிவித்திருக்கிறனா. அந்த உறுதியான தகவலை அடுத்து அந்த விமானம் துருக்கிக்கு செல்ல அனுமதிக்கப்பட்டதாக விளாடிமிர் புதின் இந்த ஆவணப்படத்தில் தெரிவித்திருக்கிறார்.
See More
தமிழகத்தில் 7 அரசு பள்ளிகளை தத்தெடுக்கும் மைக்ரோ சாஃப்ட்
தமிழ் நாட்டில் 7 அரசு பள்ளிகளை தத்தெடுத்து, 500 அரசு பள்ளி ஆசிரியா்களுக்கு சிறப்பு பயிற்சி வழங்கும் ஒப்பந்தத்தை மைக்ரோ சாப்ட் நிறுவனம் பெற்றுள்ளது. தமிழக பள்ளிக்கல்வித் துறையில் பல்வேறு சீர்திருத்தங்கள் மேற்கொள்ளப்பட்டு வருகின்றன. தமிழக அரசு பள்ளிகளில் இலவச வைபை வசதி செய்து கொடுக்கப்படும் என்று சில தினங்களுக்கு முன்னர் அமைச்சா் செங்கோட்டையன் அறிவித்தார்
See More
கச்சத்தீவு புனித அந்தோணியார் ஆலய திருவிழா
கச்சத்தீவில் உள்ள புனித அந்தோணியார் ஆலய திருவிழா நேற்று வெள்ளிக்கிழமை துவங்கியுள்ளத. இலங்கை தமிழர்கள் இதனை கோலகலமாக கொண்டாடி வரும் நிலையில். தமிழகத்திலுள்ள மக்களும் இவ்விழாவில் பங்கேற்றுள்ளனர். ராமேஸ்வரம் தீவில் இருந்து 12 கடல் மைல் தொலைவிலும், இலங்கை நெடுந்தீவில் இருந்து 8 கடல் மைல் தொலைவிலும் பாக் நீரிணை பரப்பில் கச்சத்தீவு அமைந்துள்ளது. ராமேஸ்வரம் மீனவர்கள் இருவரால், 1913-ம் ஆண்டு, கச்சத்தீவில் சிறிய ஓலைக் குடிசையில் புனித அந்தோணியார் ஆலயம் நிறுவப்பட்டது. அதன்பின் ஆண்டுதோறும் பிப்ரவரி அல்லது மார்ச் மாதங்களில் அந்தோணியார் ஆலயத் திருவிழா நடைபெறுகிறது. இலங்கையில் 1983-ம் ஏற்பட்ட உள்நாட்டுப் போரைத் தொடர்ந்து நிறுத்தப்பட்ட இந்த திருவிழா, அந்த போர் முடிந்த பின்னர் 2010-ம் ஆண்டு முதல் ஆண்டுதோறும் நடைபெற்று வருகிறது. முதல் நாளில் இரவு சிலுவைப்பாடு நிகழ்ச்சியும், திருப்பலியும் நடைபெற்றது.
See More
மாலத்தீவில் இருந்து இரு நிருபர்கள் வெளியேற்றம்
அரசியல் குழப்பம் நிலவி வருவதால், மாலத்தீவில் தற்போது அதிபர் யாமீன் நெருக்கடி நிலையை அறிவித்துள்ளார். உச்ச நீதிமன்ற நீதிபதிகள்., எதிர்க்கட்சி நாடாளுமன்ற உறுப்பினர்கள் என பலர் கைது செய்யப்பட்டுள்ளனர். உள்ளூர் செய்தி நிறுவனங்கள் மூடப்பட்டுள்ளன. அங்கு என்ன நடக்கிறது என்று வெளியே உள்ளவர்கள் அறிய முடியாத சூழலில், ஏ.எப்.பி.,யின் இரு நிருபர்கள் கைது செய்யப்பட்டுள்ளனர். சுற்றுலா விசாவில் வந்து நிருபர்களாக பணியாற்றி வந்ததாக காவல்துறையினர் தெரிவித்துள்ளனர்.
See More
பாபுவா பழங்குடியின மக்களின் எதிர்காலத்திற்கு திட்டமிடும் இந்தோனீஷிய திருச்சபை
பாபுவா மாகாணத்தின் சத்தோலிக்க திருச்சபையும், மனித உரிமை குழுக்களும் இணைந்து பழங்குடியின மக்களின் எல்லைகளை குறித்துள்ளனர். இந்தோனீஷிய அரசு பாபுவா பழங்குடியின மக்களின் எல்லைகளை பாதுகாப்பதில் உதவுவதற்காக இந்த நடவடிக்கை எடுக்கப்பட்டுள்ளது. பிப்ரவரி 5ம் தேதி இதற்காக இணையதளம் ஒன்றை அவர்கள் தொடங்கியுள்ளனர். அதில், பழங்குடியினரின் எல்லைகள். இடங்கள் மற்றும் அகழ்வாய்வு, பனை மரங்கள் இருப்பவை என அனைத்து இடங்களும் குறிப்பிடப்பட்டுள்ளன. இந்தோனீஷிய அரசு பழங்குடி இன மக்களின் நிலத்தை அங்கீகரிக்க வேண்டும் என்றும் அவர்களுடைய சுற்றுச்சூழலை பாதிக்கின்ற எந்தவொரு அனுமதியையும் வழங்க கூடாது என்றும் மிராவுகே உயர் மறைமாவட்டத்தின் நீதி, அமைதி மற்றும் படைப்புக்களின் ஒருங்கிணைப்பு பணிக்குழுவின் தலைவர் இயேசுவின் திருஇதய சபையின் அருட்தந்தை அன்செல்முஸ் அமோ தெரிவித்திருக்கிறார்.
See More
வியட்நாமில் கடும் தண்டனை பெற்றிருக்கும் கத்தோலிக்க செயற்பாட்டாளர்கள்
கடல் நீரை மாசடைய செய்யும் தைவான் இரும்பு ஆலைக்கு எதிராக நுற்றுக்கணக்கான மீனவர்கள் வழக்கு தொடுக்க உதவிய 2 கத்தோலிக்க சுற்றுச்சூழல் ஆர்வலர்கள் சிறையில் அடைக்கப்பட்டுள்ளனர். குடிமக்களுக்கு சட்டப்பூர்வ நலன் மற்றும் உரிமைகளை வழங்கும் நாட்டின் நலனுக்கு ஊறுவிளைவிக்கும் வகையில் ஜனநாயக சுதந்திரத்தை மீறியதாகவும், கடமையை செய்ய தடுத்ததற்காவும் 35 வயதான ஹோயாங் டுச் பின்க் என்பவருக்கு 14 ஆண்டுகள் சிறை தண்டனை வழங்கப்பட்டுள்ளது. இன்னொரு செயற்பாட்டாளரான 38 வயதான நகுயன் நாம் பொங் என்பவர் அதிகாரப்பூர்வ கடமையை எதிர்த்தற்காக 2 ஆண்டுகள் சிறை தண்டனை வழங்கப்பட்டுள்ளது. பிப்ரவரி 6ம் தேதி விசாரிக்கப்பட்ட இவர்கள், கடும் சிறை தண்டனை பெற்றுள்ளதை அமெரிக்க உள்துறை அமைச்சகம் கண்டித்துள்ளது.
See More