உங்களுக்குத் தெரியுமா ?
வேரித்தாஸ் நிகழ்ச்சிகளை டிஜிட்டல் தொழில் நுட்பத்தில் 24 மணிநேரமும், 7 நாட்களிலும் இணையத்தளத்திலும் அன்ராய்டு மொபைலிலும் கேட்கலாம். அன்ராய்டு மொபைல் பயன்பாட்டினைப் பதிவிறக்கம் செய்ய RVA MOBILEஎன டைப் செய்யவும்

உலக செய்திகள்

ஸ்டேட் பேங்க் ஆப் இந்தியா வாடிக்கையாளரா நீங்கள்?
ஸ்டேட் பேங்க் ஆப் இந்தியா ஜூன் 1ஆம் தேதி முதல் புதிய கட்டணங்களை நடைமுறைப்படுத்தவுள்ளது. அதன்படி, ஜூன் 1ஆம் தேதி முதல் அமலுக்கு வரும் கட்டணங்களின் விபரங்களை பார்க்கலாம். : வங்கிகளில் மாதத்திற்கு 4 முறைக்கு மேல் பணம் எடுத்தால் 50 ரூபாய் கட்டணமாக வசூலிக்கப்படும். இலவச முறைகளுக்கு மேலும் ஏடிஎம்களில் பணத்தை எடுக்க, தற்போது புதிய கட்டணத்தை இந்த வங்கி அறிவித்துள்ளது. எஸ்பிஐ ஏடிஎம்களில் எடுத்தால் 10 ரூபாயும், பிற ஏடிஎம்களில் எடுத்தால் 20 ரூபாயும் சேவை வரி கட்டணமாக வசூலிக்கப்படும். நகரங்களில் உள்ள வங்கி கணக்குகளுக்கு எஸ்பிஐ ஏடிஎம்களில் 5 முறையும், பிற ஏடிஎம்களில் 3 முறையும் பணம் எடுத்துக் கொள்ளலாம். நகரங்கள் அல்லாத கணக்குகளுக்கு எஸ்பிஐ ஏடிஎம்களில் 10 முறையும், பிற வங்கி ஏடிஎம்களில் 5 முறை பணம் எடுக்கலாம். ஜூன் 1 முதல் கணக்கின் உரிமையாளர் 10 காசோலைகளைக் கொண்ட செக் புக் வாங்க 30 ரூபாயும், 25 காசோலைகளைக் கொண்ட புத்தகத்திற்கு 75 ரூபாயும், 50 கொண்ட புத்தகத்திற்கு 150 ரூபாயும் கட்டணமாக செலுத்த வேண்டும். இணைய வங்கி சேவை, செல்லிடபேசி வங்கி சேவை, யூபிஐ, யூஎஸ்எஸ்டி முறைகளில் பணப் பரிமாற்றம் செய்யும்போது 1 லட்சம் ரூபாய்க்கு 5 ரூபாய் கட்டணம் வசூலிக்கப்படும் எனவும் அறிவிக்கப்பட்டுள்ளது.
See More
ராஜ்தானி, சதாப்தி விரைவு தொடர் வண்டிகளில் வைஃபைய் வசதி
அதிநவீன தொழில்நுட்ப வசதிகளுடன் அறிமுகப்படுத்தப்படும் தேஜாஸ் அதிவரைவு தொடர்வண்டிக்கு இணையாக ராஜ்தானி, சதாப்தி தொடர்வண்டிளையும் மேம்படுத்த தொடர்வண்டி துறை திட்டமிட்டுள்ளது. ராஜ்தானி, சதாப்தி விரைவு தொடர்வண்டிளில் உணவு, கழிவறை உள்ளிட்டவை மிக மோசமாக இருப்பதாக தொடர்ந்து புகார்கள் வருவதால் இந்த தீர்மானம் எடுக்கப்பட்டுள்ளது. இதன்படி 50 லட்சம் ரூபாய் செலவில் விரைவில் எல்லா தொடர்வண்டிளும் மேம்படுத்தப்படவுள்ளன. கட்டமைப்பு, சமையல், சுகாதாரம், ஊழியர்களின் நடத்தை, பாதுகாப்பு உள்ளிட்ட பிரச்னைகள் குறித்து ஆய்வு செய்ய 9 குழுக்கள் அமைக்கப்பட்டுள்ளன. புகார்கள் குறித்து, எடுக்கப்படவுள்ள நடவடிக்கை குறித்து இந்தக்குழு விரிவாக ஆய்வு செய்து, வரும் ஜூன் 6 ஆம் தேதி அறிக்கை தாக்கல் செய்யும் என தெரிகிறது. அதன் அடிப்படையில், நாடு முழுதும் இயங்கும் ராஜ்தானி, சதாப்தி தொடர்வண்டிகளை மேம்படுத்தும் பணி துவங்கப்படும் என தெரிகிறது.
See More
தியாகராய நகர் துணிக்கடையில் தீ விபத்து
சென்னை சில்க்ஸ் துணிக்கடையில் ஏற்பட்ட தீ விபத்தில் வெப்பம் தாங்காமல் 15 அடி உயரமுள்ள சுவர் இடிந்து விழுந்துள்ளது. சென்னை தியானராய நகரில் இயங்கி வந்த சென்னை சில்க்ஸ் என்ற துணிக்கடையில் நேற்று அதிகாலை பயங்கர தீ விபத்து ஏற்பட்டது. தீயை அணைக்கு முயற்சியில் சுமார் 150-க்கும் மேற்பட்ட தீயணைப்பு வீரர்கள் தொடர்ந்து 15 மணி நேரத்திற்கும் மேலாக போராடி வருகின்றனர். தீ விபத்து காரணமாக ஏற்பட்ட அதிக வெப்பத்தால் 3வது தளத்திலிருந்து 15 அடி உயர சுவர் இடிந்து விழுந்துள்ளது.. கட்டிடத்தின் உறுதி பாதிக்கப்படலாம் என்பதால் யாரும் கட்டிடத்திற்கு அருகில் செல்ல வேண்டாம் என்று காவல்துறை எச்சரித்துள்ளது. . கட்டிடத்தின் சுவர் இடிந்து விழுந்ததில் யாருக்கும் பாதிப்பு ஏற்படவில்லை வரை ஏறக்கறைய 14 மணி நேரத்திற்கும் மேலாக தீயை அணைப்பதற்கு தீயணைப்பு வீரர்கள் போராடி வருகின்றனர். தீயணைக்கும் வீரர்கள் தொடர்ந்து போராடி வருவதால், அவர்களை ஷிப்ட் முறையில் பணியாற்றுமாறு அதிகாரிகள் தெரிவித்துள்ளனர்.
See More
13 மணிநேரமாக எரியும் தீ! இடிந்து விழும் அபாயத்தால் கட்டிடத்தை இடிக்கும் பணி தொடங்கியது
சென்னை தி.நகர் உஸ்மான் சாலையில் அமைந்துள்ள சென்னை சில்க்ஸ் துணிக்கடையில் இன்று அதிகாலை 4.45 மணியளவில் தீ விபத்து ஏற்பட்டது. கடந்த 13 மணிநேரமாக போராடியும் தீயை அணைக்க முடியாததால் கட்டிடம் இடிக்கும் பணிகள் தொடங்கியுள்ளதாக தகவல்கள் வெளியாகியுள்ளன. கடையின் உள்ளே இருந்த தங்க நகைகள், துணிகள், பாத்திரங்கள் முற்றிலும் எரிந்து நாசமாகியுள்ளதால் கோடிக்கணக்கில் இழப்பு ஏற்பட்டுள்ளது. சென்னை சில்க்ஸில் தீ விபத்து சென்னை தி.நகர் உஸ்மான் சாலையில் உள்ள சென்னை சில்க்ஸ் துணிக்கடையில் தீ விபத்து ஏற்பட்டது. கடைக்குள் 10 பேர் சிக்கியுள்ளதாக கூறப்பட்ட நிலையில், ஏழு பேர் உயிருடன் மீட்கப்பட்டுள்ளனர். குறுகிய சாலையில் கடை அமைந்திருப்பதால் தீயணைப்பு வீரர்கள் தீயை அணைக்க போராடி வருகின்றனர். தரைத்தளத்தில் இருந்து கரும்புகை வெளியேறி வருகிறது, மற்ற கடைகளுக்கு தீ பரவாமல் இருக்கவும் நடவடிக்கை எடுக்கப்பட்டு வருகிறது. இந்நிலையில் "சென்னை சில்க்ஸ்" அமைந்துள்ள இடம் அபாயகரமான பகுதி என அறிவிக்கப்பட்டுள்ளது. கட்டிடத்தில் 7 மணிநேரமாக எரியும் தீயால், உள்பகுதியில் சில சுவர்கள் இடிந்துவிழும் சூழல் ஏற்பட்டுள்ளது. இதற்கிடையே கட்டிடத்தில் விரிசல் ஏற்படுவதால் பதற்றமான சூழ்நிலை உருவாகியுள்ளது. பொதுமக்களுக்கு மாவட்ட கலெக்டரின் கோரிக்கை தீ விபத்தை பார்வையிட்ட மாவட்ட கலெக்டர் அன்புச்செல்வன் அளித்த பேட்டியில், சென்னை சில்க்ஸ் அமைந்துள்ள தி.நகர் பகுதிக்கு பொதுமக்கள் யாரும் வரவேண்டாம். அதிகாலை முதலே தீ பற்றி எரிகிறது, தரைத்தளத்தில் பற்றிக் கொண்ட தீ மேல் தளங்களுக்கும் பரவியுள்ளது. உயிரிழப்பு ஏதுமில்லை, கட்டிடத்தின் உள்ளே சிக்கிக் கொண்டவர்கள் பத்திரமாக மீட்கப்பட்டுள்ளனர். சென்னை சில்க்ஸ் கடை அமைந்துள்ள பகுதியில் உள்ள மற்ற கடைகள் எதையும் திறக்க வேண்டாம். முதலில் தீயை அணைத்துவிட்டு விபத்துக்கான காரணத்தை கண்டறிவோம் என தெரிவித்துள்ளார்.
See More
இந்தியா- ஜேர்மனி இடையே 12 ஒப்பந்தங்கள் கையெழுத்து
ஜேர்மனி, ஸ்பெயின், ரஷ்யா மற்றும் பிரான்ஸ் ஆகிய நாடுகளுக்கு ஆறுநாள் சுற்றுப்பயணம் சென்றுள்ள பிரதமர் மோடி நேற்று முன்தினம் பெர்லினை சென்றடைந்தார். நேற்று ஜேர்மன் சான்சலர் ஏஞ்சலா மெர்க்கலை சந்தித்து ஆலோசனை நடத்தினார். வர்த்தகம், திறன் மேம்பாடு, பருவநிலை மாற்றம் குறித்து இருநாட்டு தலைவர்களும் கலந்துரையாடினர். இதனை தொடர்ந்து இந்தியா- ஜேர்மனி இடையே 12 ஒப்பந்தங்கள் கையெழுத்தானது. இதன்பின்னர் செய்தியாளர்களை சந்தித்த மோடி, இந்தியாவுக்கும், ஜேர்மனிக்கும் இடையேயான பொருளாதார உறவில் மிகப்பெரிய முன்னேற்றத்தை காண முடியும். இந்தியாவை சக்திவாய்ந்த தோழமை நாடாகவே ஜேர்மனி பார்த்து வருகிறது. இரு தரப்பு ஒத்துழைப்பானது விளையாட்டு துறையிலும் விரிவாக்கப்படும், எதிர்கால தலைமுறையின் பாரிய பிரச்சனையாக விளங்குவது தீவிரவாதம். இதனை எதிர்த்து போராட அனைத்து சக்திகளும் ஒன்றிணைய வேண்டும் என்றார்.
See More
பிரித்தானியா உள்விவகார அமைச்சின் முக்கிய அறிவிப்பு
நீங்கள் யுகேயிற்கு வெளியிலிருந்து உள்விவகார அமைச்சைத் தொடர்பு கொள்ளும் வாடிக்கையாளர் ஆயின் நீங்கள் தொடர்பு கொள்ளும் இலக்கங்கள், நேரம் மற்றும் கட்டணங்களில் 01 யூன் 2017லிருந்து முக்கிய மாற்றங்கள் ஏற்படுகின்றன. 01 யூன் 2017ம் திகதியிலிருந்து அனைத்து விசாரணைகளும் புதிய வர்த்தகப் பங்காளியான Sitel UK எனும் கம்பனியால் கையாளப்படும் என உள்விவகார அமைச்சு அறிவித்துள்ளது. 30 மே 2017 அன்று உள்விவகார அமைச்சு வெளியிட்ட ஊடக அறிக்கையிலேயே இவ்வாறு தெரிவிக்கப்பட்டுள்ளது. இதில் ஏற்படும் முக்கிய மாற்றங்கள் ஆவன, அனைத்துத் தொலைபேசி இலக்கங்கள் மற்றும் தொடர்பு கொள்வதற்கான நேரங்களில் மாற்றம் ஏற்படுகின்றன. நீங்கள் உரையாடக்கூடிய மொழிகள் ஆங்கிலம் உள்ளடங்கலாக 8 ஆக குறைக்கப்படுகின்றது. UK Visas and Immigration- ஐ ஈமெயில் மூலம் தொடர்பு கொண்டால் நீங்கள் £5.48 பவுண்டுகள் செலுத்த வேண்டும். நீங்கள் Credit Card அல்லது Debit Card மூலம் உங்கள் கட்டணத்தைச் செலுத்த வேண்டும். நீங்கள் முதல் அனுப்பும் ஈமெயில் மற்றும் அதே விடயம் தொடர்பாக பின்னர் தொடர்ந்து அனுப்பப்படும் ஈமெயில்களுக்கும் சேர்த்தே இந்தக் கட்டணம் என்பதும் குறிப்பிடத்தக்கது. உங்களிடம் Credit Card அல்லது Debit Card இல்லையென்றால், நீங்கள் நம்பிக்கையான முகவரையோ அல்லது உங்களை ஸ்பொன்சர் செய்பவரையோ தெரிவு செய்து, அவர்கள் மூலம் நீங்கள் கட்டணங்களை செலுத்தி உள்விவகார அமைச்சை தொடர்பு கொள்ளலாம். நீங்கள் தொலைபேசி மூலம் தொடர்பு கொண்டால் தற்பொழுது நடைமுறையில் உள்ள அதே முறை தொடர்ந்தும் இருக்கும். நீங்கள் செலுத்தும் கட்டணத் தொகையில் மாற்றம் ஏற்படவில்லை என்பதும் குறிப்பிடத்தக்கது. நீங்கள் யுகேயிற்குள் இருந்து கொண்டு உள்விவகார அமைச்சின் UK Visas and Immigration ஐ தொடர்பு கொள்வதாயின் இந்த சேவையில் மாற்றம் இல்லை என்பது குறிப்பிடத்தக்கது. மேலதிக தகவல்களுக்கு இந்த இணைப்பை அழுத்துவும். https://www.gov.uk/government/news/customer-enquiry-service-changes தகவல் Jay Visva Solicitors, மேலதிக தொடர்பு எண் ( 44) 020 8573 6673
See More
டயானா கார் விபத்து குறித்து வெளியான அதிர்ச்சி தகவல்
பிரித்தானிய இளவரசி டயானாவின் மரணத்திற்கு காரணமான கார் ஏற்கனவே பலமுறை பழுதாகி சாலையில் இயக்கக்கூடிய தன்மையை இழந்திருந்தது என்ற அதிர்ச்சி தகவல் தற்போது தெரியவந்துள்ளது. பிரித்தானிய இளவரசி டயானா கடந்த 1997ஆம் ஆண்டு ஆகஸ்ட் 31ஆம் திகதி பிரான்ஸ் தலைநகர் பாரீஸில் Dodi Fayedயுடன் காரில் பயணம் செய்த போது ஏற்பட்ட விபத்தில் சிக்கி பரிதாபமாக உயிரிழந்தார். இந்நிலையில் டயானா பயணித்த Mercedes-Benz S280 கார் உபயோகப்படுத்தவே தகுதியில்லாத கார் என முன்னரே எச்சரிக்கப்பட்டுள்ளது தற்போது தெரியவந்துள்ளது. இந்த காரை ஏற்கனவே பலர் வைத்திருந்த நிலையில், Dodiயின் தந்தை அதை வாங்கியுள்ளார். இதுகுறித்து கூறியுள்ள பாரீஸ் புகைப்பட கலைஞர் Pascal Rostain, அந்த கார் 1997ஆம் ஆண்டின் ஆரம்பத்தில் திருட்டு போனது. பின்னர், அதை திருடியவன் காரோடு விபத்தில் சிக்க கார் கடுமையான பாதிப்படைந்தது. அதை மீண்டும் உபயோகப்படுத்தவே முடியாது என்ற நிலை இருந்த போது அந்த காரை மீண்டும் புதுப்பித்தார்கள் என கூறியுள்ளார். மேலும், டயானா இறப்பதற்கு முன்னர் அவர் தங்கியிருந்த ஹொட்டலில் என் நண்பர் கரீம் கார் ஓட்டுனராக இருந்தார். அப்போது, Mercedes-Benz S280 காரை ஓட்டி பார்த்த அவர் இது சாலையில் இயக்ககூடிய நிலையில் இல்லை. மேலும், 30 கி.மீட்டர் வேகத்துக்கு மேல் இதை இயக்கினால் நிச்சயம் ஆபத்தை விளைவிக்கும் என ஹொட்டல் மேனேஜரிடம் எச்சரிக்கை செய்தார். இதையெல்லாம் மீறி டயானா அந்த காரில் அதிவேகமாக பயணித்ததே விபத்துக்கு காரணம் என தெரிவித்துள்ளார். ஆனால் பிரான்ஸ் மற்றும் பிரித்தானியா பொலிஸ் டயானாவின் கார் விபத்தில் தான் சிக்கியது எனவும், இதில் சதி ஏதும் இல்லை எனவும் அப்போதே அறிக்கை வெளியிட்டது குறிப்பிடத்தக்கது.
See More
வேலை தேடி சவுதிக்கு வந்தவர்கள் வெளியேற்றம்: அரசு அறிவிப்பு
இந்தியாவிலிருந்து சவுதி அரேபியாவுக்கு வேலை தேடி வந்த 26,500க்கும் மேற்பட்டோர் முறையான ஆவணங்கள் இல்லாத காரணத்தாலும், அவர்களின் விசா காலம் முடிந்ததாலும் அந்நாட்டிலிருந்து வெளியேற வேண்டும் என அரசு அறிவித்துள்ளது. சவுதி அரேபியாவில் 30 லட்சம் இந்தியர்கள் தற்போது வசித்து வருகிறார்கள். வெளிநாடுகளை பொறுத்தவரை இந்திய மக்களே அங்கு அதிகம் பேர் வசிக்கிறார்கள். இந்நிலையில், சவுதியின் 90 நாள் வரையறுக்கப்பட்ட நேர வாய்ப்பு திட்டம் குறித்து கடந்த ஏப்ரலில் அறிவிப்பு வெளியானது. அதன்படி, முறையான ஆவணங்கள் மற்றும் விசா காலம் முடிந்தும் அங்கு தங்கியிருக்கும் 26,500 இந்தியர்கள் அந்நாட்டிலிருந்து வெளியேற வேண்டும் என அரசு தற்போது உத்தரவிட்டுள்ளது. இதுகுறித்து இந்திய அதிகாரிகள் கூறுகையில், சவுதியில், இந்தியர்கள் வருங்காலத்தில் வேலை செய்ய வேண்டும் என்றால், தங்களின் ஆவணங்களை அவர்கள் முறையாக வைத்திருக்க வேண்டியது அவசியமாகும் என கூறியுள்ளனர். இதுகுறித்து சவுதியின் பொது பாதுகாப்பு இயக்க ஆலோசகர் Jamman Al-Ghamdi கூறுகையில், இதுவரை 276,000 வெளிநாட்டவர்களுக்கு நாட்டை விட்டு வெளியேறுவதற்கான ஆவண விசா வழங்கப்பட்டுள்ளது. ஆனால் இந்த கணக்கில் வரும் இந்தியர்களை இங்கிருந்து வெளியேற்றுவது கடினம் என இந்திய அதிகாரிகள் கூறியுள்ளனர். காரணம் அவர்கள் இங்கு வேலையை தேடி கொண்டு, சட்டப்படி இங்கு வசிக்க முடியும் என நம்புகிறார்கள் என கூறியுள்ளார். தற்போது வந்துள்ள 26,713 அவசர வெளியேற்றத்துக்கான விண்ணப்பங்களில் அதிகபட்சமாக உத்தரபிரதேசத்தில் இருந்து 11,390 விண்ணப்பங்களும், தமிழ்நாடு மற்றும் மேற்கு வங்கத்திலிருந்து 2000 விண்ணப்பங்களும் வந்துள்ளது. கிரிமினல் வழக்கு உள்ளவர்களுக்கு வரையறுக்கப்பட்ட நேர வாய்ப்பு திட்டத்தின் காலநீட்டிப்பு அவகாசம் கிடையாது என்பது குறிப்பிடத்தக்கது.
See More
ஜெயலலிதாவின் சொத்துக்கள் பறிமுதல்: தமிழக அரசு உத்தரவு
சொத்து குவிப்பு வழக்கில் குற்றம்சாட்டப்பட்ட முன்னாள் முதல்வர் ஜெயலலிதா, சசிகலா, இளவரசியின் சொத்துகளை பறிமுதல் செய்யும் நடவடிக்கைகளை தமிழக அரசு தொடங்கியுள்ளது. ஜெயலலிதா முதல்வராக இருந்த போது வருமானத்திற்கு அதிகமாக சொத்து சேர்த்ததாக தொடரப்பட்ட வழக்கில் நான்கு ஆண்டுகள் சிறைத்தண்டனையும், ரூ.100 கோடி அபராதமும் விதிக்கப்பட்டது. இந்த வழக்கில் ஜெயலலிதாவின் தோழி சசிகலா, இளவரசி மற்றும் சுதாகரனுக்கு 4 ஆண்டுகள் சிறைத்தண்டனையும், ரூ.10 கோடி அபராதமும் வழங்கப்பட்டது. ஜெயலலிதா மரணமடைந்த நிலையில் மற்ற மூவரும் சிறைத்தண்டனை அனுபவித்து வருகின்றனர். இதைத் தொடர்ந்து குற்றம்சாட்டப்பட்ட 4 பேருக்கு சொந்தமான தமிழகத்தில் 6 மாவட்டங்களில் உள்ள 68 சொத்துகளை பறிமுதல் செய்வதற்கான பணிகளை தொடங்க தமிழக அரசு உத்தரவிட்டது. இதைத் தொடர்ந்து சென்னை, காஞ்சிபுரம், திருவள்ளூர் மாவட்டங்களின் ஆட்சியர்கள் முதற்கட்ட நடவடிக்கையை தொடங்கியுள்ளனர். இந்த சொத்துக்கள் அனைத்தும் பறிமுதல் செய்யப்பட்டவுடன் தமிழக அரசுக்கு சொந்தமானது என வருவாய் துறையினரால் அதிகாரப்பூர்வமாக அறிவிக்கப்படும். இந்த சொத்துகள், சம்பந்தப்பட்ட குற்றவாளிகள் செலுத்த வேண்டிய ரொக்க அபராதத்துக்கான ஈடு அல்ல. இந்த வழக்கில் மொத்தம் 128 சொத்துகள் கையகப்படுத்தப்பட்டாலும், விசாரணை நீதிமன்றம் அவற்றில் 68-ஐ மட்டும் பறிமுதல் செய்ய உத்தரவிட்டது குறிப்பிடத்தக்கது.
See More
கருணாநிதி உடல்நிலை குறித்து வெளியான முக்கிய அறிவிப்பு
திமுக தலைவர் கருணாநிதிக்கு ஜூன் 3ஆம் தேதி பிறந்தநாள் வருவதையொட்டி முக்கிய அறிவிப்பு ஒன்று வெளியாகியுள்ளது. இதுதொடர்பாக திமுக தலைமைக்கழகம் இன்று வெளியிட்டுள்ள அறிக்கையில், திமுக தலைவர் கருணாநிதியின் 94-வது பிறந்தநாள் விழா மற்றும் சட்டமன்றப் பணிகளுக்கான வைரவிழா நிகழ்வுகள், கட்சியின் சார்பில் தமிழகமெங்கும் சிறப்பாக நடைபெறுவதற்கான ஏற்பாடுகள் செம்மையாக மேற்கொள்ளப்பட்டு வருகின்றன. கருணாநிதியின் பிறந்தநாளான ஜூன் 3ஆம் திகதி, அகில இந்தியத் தலைவர்கள் பங்கேற்கும் மாபெரும் பொதுக்கூட்டம் சென்னையில் நடைபெறுகிறது. 80 ஆண்டு கால பொதுவாழ்வில், தமிழ்ச் சமுதாயத்தின் மேன்மைக்காக ஓய்வறியாமல் தொடர்ந்து உழைத்து, தொண்டால் பொழுதளந்த கருணாநிதி உடல்நலன் குன்றி, தொடர்சிகிச்சையிலும் ஓய்விலும் இருப்பதை கட்சியினர் அனைவரும் நன்கறிவர். மருத்துவர்களின் அக்கறை மிகுந்த சிகிச்சையினால், கருணாநிதியின் உடல்நிலையில் ஓரளவு முன்னேற்றம் ஏற்பட்டுள்ளது. கருணாநிதியின் பிறந்தநாளன்று, அவரை நேரில் காணும் வாய்ப்பு நிச்சயம் கிடைத்திடும் என்ற எதிர்பார்ப்பில் இருக்கும் லட்சக்கணக்கான தொண்டர்களின் ஆவலை நிறைவு செய்திடலாம் என்று எதிர்பார்த்திருந்த நிலையில், அவருக்கு இன்னும் சிறிதுகாலம் ஓய்வு தேவை என்றும் நோய்த்தொற்று ஏற்படாமல் இருக்க, பார்வையாளர்களை சந்திக்காமல் இருக்க வேண்டும் என்றும் மருத்துவர்கள் கண்டிப்புடன் அறிவுறுத்தியுள்ளனர். தமிழகமும் கழகமுமே தனது வாழ்வு என அயராது பாடுபட்ட நம்முடைய உயிருக்கு நிகரான கருணாநிதி விரைந்து முழு நலன் பெற, கட்சித் தொண்டர்களின் ஒத்துழைப்பு மிகவும் அவசியமாகும். பிறந்தநாளில் கருணாநிதியின் முகம் கண்டு, அகம் மலர்ந்து, அன்புப் பரிசுகள் வழங்கி மகிழும் அவரது உடன்பிறப்புகள் இம்முறை, கருணாநிதிக்கு ஓய்வளித்து, அவர் விரைந்து நலன் பெற உறுதுணை செய்யும் வகையில், நேரில் சந்திப்பதைத் தவிர்ப்பதே அவருக்கு தரக்கூடிய சிறந்த பிறந்தநாள் பரிசு என்பதை உணர்ந்து, ஒத்துழைப்பு நல்கும்படி கேட்டுக்கொள்கிறோம் என்று கூறப்பட்டுள்ளது.
See More