உங்களுக்குத் தெரியுமா ?
வேரித்தாஸ் நிகழ்ச்சிகளை டிஜிட்டல் தொழில் நுட்பத்தில் 24 மணிநேரமும், 7 நாட்களிலும் இணையத்தளத்திலும் அன்ராய்டு மொபைலிலும் கேட்கலாம். அன்ராய்டு மொபைல் பயன்பாட்டினைப் பதிவிறக்கம் செய்ய RVA MOBILEஎன டைப் செய்யவும்

PREV

திருச்சபை செய்தி விவரங்கள்

NEXT

அக்டோபர் ஆயர்கள் மாநாட்டின் முடிவில் திருத்தந்தை 6ம் பவுலுக்கு புனிதர் பட்டம்

இந்த ஆண்டு அக்டோபர் மாதத்தின் இறுதியில் “இளைஞர்கள் மற்றும் இறை வெளிப்பாட்டை இனம்காணுதல்” பற்றி நடைபெறும் ஆயர்கள் மாநாட்டின் நிறைவில் ஆசீர்வதிக்கப்பட்ட திருத்தந்தை ஆறாம் பவுல் புனிதராக உயர்த்தப்படுவார் என்று வத்திக்கானின் உள்துறை செயலர் காதினால் பெய்ட்ரோ பாரோலின் தெரிவித்திருக்கிறார். அக்டோபர் மாதம் 3 முதல் 28ம் தேதி வரை நடைபெறுவதாக திட்டமிடப்பட்டுள்ள ஆயர்கள் மாநாட்டின் நிறைவில், இந்த புனிதர் பட்டம் நடைபெற இருப்பதை செய்தியாளர்களிடம் காதினால் பாரோலின் உறுதி செய்துள்ளார். இரண்டாம் வத்திக்கான் சங்கத்திற்கு பின்னர்தான் திருத்தந்தை ஆறாம் பவுல் இந்த ஆயர்களின் மாநாட்டை நடத்தினார். கடந்த பிப்ரவரி மாதம்தான் திருத்தந்தை ஆறாம் பவுலின் 2வது புதுமை புனிதர்களுக்கான பேராயத்தால் ஏற்றுக்கொள்ளப்பட்டது. பிறக்காத குழந்தை ஒன்றை, வயிற்றில் இருக்கும்போதே குணமாக்கி, நிறை மாதத்தில் சுக பிரசவம் பெற உதவியிருப்பது, திருத்தந்தை ஆறாம் பவுல் இறைவல்லமையை வெளிப்படுத்தியுள்ள 2வது புதுமையாக ஏற்றுக்கொள்ளப்பட்டுள்ளது.